Ang terminong “GOD” sa Biblia ay nangangahulugan ng pagka-Dios at karaniwang ginagamit sa ibang bagay gaya ng hindi tunay na mga dios. Binigyang babala tayo ni Hesus na mag-ingat tayo sapagkat mayroong paririto upang dayain ang marami, na nagtataglay ng hindi tunay na aral at hindi tunay na Kristo.

Mat 24:24 Sapagka’t may magsisilitaw na mga bulaang Cristo, at mga bulaang propeta, at mangagpapakita ng mga dakilang tanda at mga kababalaghan; ano pa’t ililigaw, kung maaari, pati ng mga hirang.

Mar 13:22 Sapagka’t may magsisilitaw na mga bulaang Cristo at mga bulaang propeta, at mangagpapakita ng mga tanda at mga kababalaghan, upang mailigaw nila, kung mangyayari, ang mga hirang.

Karaniwan sa mga pangalang ibinigay sa atin ng Biblia ay hindi personal na pangalan kundi mga titulo o katangian.

Maging ang YHWH, na hindi kayang basahin, ay maisasalin na I AM or I AM who I will be. Isa lamang ang malinaw, na anuman ang naging pangalan ng Dios na natala sa Biblia, mananatili ang katotohanan na higit nating dapat pakanasain na makita ang kaluwalhatian ng Dios na ito, sapagkat sa araw na yaon ay makikilala natin Siya at ang Kaniyang bagong pangalan.

Rev 3:12 Ang magtagumpay, ay gagawin kong haligi sa templo ng aking Dios, at hindi na siya’y lalabas pa doon: at isusulat ko sa kaniya ang pangalan ng aking Dios, at ang pangalan ng bayan ng aking Dios, ang bagong Jerusalem, na mananaog buhat sa langit mula sa aking Dios, at ang aking sariling bagong pangalan.

Sikreto nga ba?

Ipinangangaral ng iba na ang pangalan daw ng Dios ay hindi nahayag o nananatiling lihim sa marami.

Ang ganitong paniniwala ay palasak o laganap, subalit masasabi nating hindi umaayon sa paniniwala ng Banal na Kasulatan (Biblia). Ipinahayag ng Dios ang Kaniyang pangalan sa Lumang Tipan.

Ang Kaniyang pangalan ay “YHWH.” Ito ang pangalan na ipinahayag kay Abraham sa Genesis 12: 8 -

Gen 12:8 At mula roon ay lumipat siya sa bundok na nasa silanganan ng Bethel, at doon niya itinayo ang kaniyang tolda, na nasa kalunuran ang Bethel, at nasa silanganan ang Hai: at siya’y nagtayo roon ng dambana sa Panginoon, at sinambitla ang pangalan ng Panginoon.

Gen 12:8 And he removed from thence unto a mountain on the east of Bethel, and pitched his tent, having Bethel on the west, and Hai on the east: and there he builded an altar unto the LORD, and called upon the name of the LORD.

Ang LORD dito, na lahat ay capital letters ay may katumbas na “יהוה” na ang pagbasa ay Yud – Heh – Vav – heh (YHWH).

Tinatawag itong TETRAGRAMMATON, na sa ibang salin ng English ay isinalin na “I AM.”

Ipinahayag din ang pangalan na ito kay Isaac sa Genesis 26:25 -

Gen 26:25 And he builded an altar there, and called upon the name of the LORD, and pitched his tent there: and there Isaac’s servants digged a well.

Ipinahayag din ito kay Moises –  Exodus 3:15; 15:3; Deuteronomy 28:58, at sa marami pang iba sa pamamagitan mismo ng DIOS na nagpakilala sa ganitong pangalan.

Exo 6:3 I appeared to Abraham, to Isaac, and to Jacob, as God Almighty, but by my name the LORD I did not make myself known to them.

Sa aklat ng Exodo 3: 14 – ganito ang naging pagpapakilala ng Dios kay Moises.

Exo 3:14 At sinabi ng Dios kay Moises, AKO YAONG AKO NGA; at kaniyang sinabi, Ganito ang sasabihin mo sa mga anak ni Israel, Sinugo ako sa inyo ni AKO NGA.

Ang Hebrew word na ito (I AM) ay may katumbas na ehyeh maituturing na first person singular form ng Hebrew word na hayah. At ang katumbas nito sa ating salita ay ang verb of being na “is/am/are.” Dahil ang Dios ang nagsasalita isinalin ito sa katagang “I AM.” Ngunit maaari din itong mangahulugan na “HE IS.”

Sa perspective ng DIOS siya ay si “I AM,” ngunit sa atin ay siya ay “HE IS.” Paano man ito tingnan o saan man ito tingnan, ito ang ipinahayag na pangalan ng DIOS.

Ang pangalan ng DIOS ay isinalin mula sa Tetragrammaton na “YWHH” patungo sa Yahweh o Jehovah. 

Ang pangalan ni HESUS

Ang pangalan ni Hesus ay may katumbas na Yeshua, na pinagsamang dalawang salitang Hebrew na “Ya” o pinaikling “Yahweh” at ang salitang “Shuwah” na ang ibig sabihin ay kaligtasan. Ang kahulugan nito ay Si Yahweh ang ating kaligtasan. Ang pangalang Yeshua o Hesus ay compound o pinagsamang salita na lumalarawan sa Dios. Na ang kahulugan ay Dios na Nagliligtas o Dios na Siyang ating Kaligtasan.

Ang mga pangalang Yahweh at Jehovah ay gawa lamang ng tao, sapagkat ang tunay na mababasa ay ang YHWH – na may kahulugan na ehyeh asher ehyeh – “I am that I am” or “I am that I will be.” Ang posibleng literal na salin ng YHWH ay may kahulugan na “WAS, IS, SHALL BE.” Sa Exodo 3:14, sinabi ng Dios na YHWH ang kaniyang pangalang walang hanggan.

Ipinaliliwanag ng mga Bible Dictionaries gaya ng Strongs Dictionary of the Bible words, at ng Vine’s, at ng Wilson’s Bible word dictionary na hindi ito proper name ng Dios kundi nangangahulugan ito ng statement of fact: I AM THAT I AM (YHWH). Para liwanagin, ang pangalan ng DIOS na YHWH ay hindi proper name, ito ay lumalarawan sa katangian o identity ng DIOS.

Mahalagang malaman ang pangalan ng DIOS, subalit higit na dapat makilala ang Kaniyang katangian.

Makikita natin sa ibaba nito ang talaan ng mga pangalan, titulo ng Dios: